abhi hai ghair kay iltaf sy jafaiey habib

ابھی ہے غیر کے الطاف سے جفائے حبیب
وہی رضا ہے ہماری جو ہے رضائے حبیب

نہ سمجھوں اپنا کسی کو رقیب رشک سے میں
وہ میرا دوست ہے جو ہووے آشنائے حبیب

وہ خواہ قتل کرے خواہ میری جاں بخشے
کہ مرگ و زیست پہ مختار ہے رضائے حبیب

نہ تیغ یار سے گردن پھراؤں میں ہرگز
کہ عین لطف سمجھتا ہوں میں جفائے حبیب

پتنگے شمع کے صدقے ہوں بلبلیں گل پر
کوئی کسی کے فدا ہو میں ہوں فدائے حبیب

بہشت کی مجھے ترغیب دے نہ تو واعظ
کسی کی مجھ کو تمنا نہیں سوائے حبیب

ہمیشہ مجھ سے وہ کہتا تھا مر کہیں حسرتؔ
ہزار شکر پذیرائی ہوئی دعائے حبیب

جعفر علی حسرت

abhi hai ghair ke Altaf se jafaaee habib
wohi Raza hai hamari jo hai razaye habib
nah samjhun apna kisi ko raqeeb rashk se mein
woh mera dost hai jo huvay aashnae habib
woh khuwa qatal kere khuwa meri jaan bakhshay
ke merg o zeist pay mukhtaar hai razaye habib
nah tegh yaar se gardan پھراؤں mein hargiz
ke ain lutaf samjhta hon mein jafaaee habib
patangay shama ke sadqy hon blblin Gul par
koi kisi ke fida ho mein hon fdaye habib
bahisht ki mujhe targheeb day nah to waiz
kisi ki mujh ko tamanna nahi siwaye habib
hamesha mujh se woh kehta tha mar kahin حسرتؔ
hazaar shukar pazeerai hui duaye habib
Jaffer Ali hasrat