Na jaane shaam ne kya kah diya savere se | POET AZHAR NAWAZ

Na jaane shaam ne kya kah diya savere se

ujāle haath milāne lage añdhere se

shajar ke hisse meñ bas rah ga.ī hai tanhā.ī

har ik parinda ravāna huā basere se

jo us kī biin kī dhun par huā hai raqs-andāz

Thanī rahī hai usī saañp kī sapere se

abhī ye raushnī chubhtī huī hai āñkhoñ meñ

abhī ham uTh ke chale aa.e haiñ añdhere se

tumhārā shahr-e-nigārāñ to ḳhuub hai 'az.har'

bachā ke laa.e haiñ dil aarzū ke ghere se

نہ جانے شام نے کیا کہہ دیا سویرے سے

اجالے ہاتھ ملانے لگے اندھیرے سے

>

شجر کے حصے میں بس رہ گئی ہے تنہائی

ہر اک پرندہ روانہ ہوا بسیرے سے

جو اس کی بین کی دھن پر ہوا ہے رقص انداز

ٹھنی رہی ہے اسی سانپ کی سپیرے سے

ابھی یہ روشنی چبھتی ہوئی ہے آنکھوں میں

ابھی ہم اٹھ کے چلے آئے ہیں اندھیرے سے

تمہارا شہر نگاراں تو خوب ہے اظہرؔ

بچا کے لائے ہیں دل آرزو کے گھیرے سے