Neend palkon pe yuun rakhi si hai | POET AZHAR NAWAZ

اظہر نواز

Neend palkon pe yuun rakhi si hai

نیند پلکوں پہ یوں رکھی سی ہے

آنکھ جیسے ابھی لگی سی ہے

اپنے لوگوں کا ایک میلہ ہے

اپنے پن کی یہاں کمی سی ہے

خوب صورت ہے صرف باہر سے

یہ عمارت بھی آدمی سی ہے

میں ہوں خاموش اور مرے آگے

تیری تصویر بولتی سی ہے

چارہ سازو مرا علاج کرو

آج کچھ درد میں کمی سی ہے

niiñd palkoñ pe yuuñ rakhī sī hai

aañkh jaise abhī lagī sī hai

...apne logoñ kā ek mela hai

apne-pan kī yahāñ kamī sī hai

ḳhūbsūrat hai sirf bāhar se

ye imārat bhī aadmī sī hai

maiñ huuñ ḳhāmosh aur mire aage

terī tasvīr boltī sī hai

chārasāzo mirā ilaaj karo

aaj kuchh dard meñ kamī sī hai