DOLAT E DARD KO DUNIA SY CHUPA KAR RAKHNA | Ahmed Faraz Poetry |Sad Urdu Shairi

 دولتِ درد کودنیاسے چھپا کررکھنا

آنکھ میں بوند نہ ہودل میں سمندر رکھنا

کل گئے گزرے زمانے کاخیال آئے گا
آج اتنا بھی نہ راتوں کومنور رکھنا

اپنی آشفتہ مزاجی پہ ہنسی آتی ہے
دشمنی سنگ سے اور کانچ کا پیکر رکھنا

آس کب دل کو نہیں تھی تیرے آجانے کی
پر نہ ایسی کہ قدم گھر سے نہ باہر رکھنا

ذکر اسکا ہی سہی بزم میں بیٹھے ہوفراز

درد کیسا بھی اٹھے ہاتھ نہ دل پر رکھنا

احمد فرازؔ